Krüüzfohrt mit Kurt - Neues Projekt 1

Willkommen!Moin!Willkamen!

Direkt zum Seiteninhalt

Krüüzfohrt mit Kurt

Krüüzfohrt mit Kurt
Komedie von Manfred Hinrichs
De Lüüd
Luise Müller, Wittfro, 70
Gustav Fruchtmann, Oberstudienrat a. D., 65
Marie, sien Fro, 56
Steffen Wolf, Schrieversmann, 49
Jan van de Höcht, Krüüzfohrtblogger, 26
Vanessa Milberti, jobbt in en Herrenboutique, 21
Rogelio Maliksi, en philippinschen Kabinensteward, 32

De Stimm von den Krüüzfohrtdirektor Kay Kruizenga över Luutspreker.

Fotos links: © Gustavo Oettinger, kleine bühne Wolfenbüttel 2023
De Bühn
Dat Promenadendeck von de „Prinz Heinrich II“, en Krüüzfohrtschipp von de Sellschop „German Cruise Line“. Wi kiekt von See ut op dat Deck, langs de Ramp en dacht Reling, de rechts un links mit en kort Stück andüüdt warrt. In de Wand achtern sünd 3 Kabinendören un en wat grötter Döör as Dörgang to dat Binnerste von dat Schipp. Blang de Kabinendören en lütten apen Kasten för de Boordnarichten. De Dören hebbt von links na rechts de Nummern 4066, Dörgang, 4068 un 4070. Blang de Dörgangsdöör en Rettungsring mit den Schippsnaam. Rechts un links geiht dat wieder üm dat Schipp rüm. Liegestöhl mit lütt Dischen, later en Tafel för fief Lüüd mit Stöhl. (Wenn dat de Mööglichkeiten von de Bühn hergeevt - düt is dat Deck, op dat de Nootfallbööt hangt - von de Deek sotoseggen.)
Neeschierig worrn?
Dat Stück gifft dat bi: Vertriebsstelle und Verlag GmbH, Buchweizenkoppel 19, 22844 Norderstedt
Anfragen köönt ji ok hier.
Goot to weten
Damen3
Herren4
diverse-
Bühnenbild1 Dekoration
Uraufführung21.04.2023
Kleine Bühne Wolfenbüttel
Erstaufführung dieser Fassung:10.02.2024
Stedorfer Theaterbühne, Dörverden
Üm wat dat geiht
Luise, en öller Daam, is op Krüüzfohrt. Akraat seggt, is se op ehr 6. Törn üm de Welt. De „Prinz Heinrich II“ liggt jüst in Montevideo un Rogelio, de leevste philippinsche Kabinensteward von Luise, bringt dat Packelaasch von de ne 'n Fohrgäst för en 14-daaglang Törn rund üm Kap Hoorn. Un denn kaamt se an Boord: De pensioneerte Studienraat Gustav Fruchtmann mit sien Fro Marie un de junge Krüüzfohrtblogger Jan mit sien Fründin Vanessa. Un denn is dor noch en eensamen Wulf, de mit Vörnaam Steffen heet un von sik behaupten deit, en Schrieversmann to sien. Op dree von düsse Gäst hett Luise töövt, denn se hett jem op düsse Krüüzfohrt inladen. Wat düsse aver nich weten doot, denn se hebbt ehr Korten von en Anwaltskanzlee in Hamborg kregen. - Man worüm?
Wiel de tostegen Promenadendeckpassagiere meist all „Marinellos“ - Krüüzfohrtquiddjes - sünd, nimmt dat tofreden sien un sik wollföhlen op düsse Reis von Dag to Dag af. Vanessa hett op See keen Nett för ehr Smartphone un föhlt sik von Jan nich noog bespaaßt. Jan warrt de Spaaß to veel. Marie quält sik na ehr Menen mit överleidig Punnen un dat de Betten nich in Fohrtrichtung staht rüm un Gustav finnt dat Eten nich smacklich noog. Un Steffen günnt Luise ogenschienlich ehr Leven op dat Krüüzfohrtschipp nich. - Man worüm?
An 'n drüdden Dag von de Reis warrt de Gäst von „Kurt“ to en Dinner an Deck inladen. Man keeneen kennt düssen Kurt. Mal afsehn von - ja, Steffen weet, wokeen Kurt is un Luise natüürlich ok. Man se weet nich, wokeen Steffen is un wat för en Dreih ehr Leven dör em noch nehmen warrt. Un bi 'n Sundowner vör dat Dinner kümmt dat denn to 'n Showdown för all.
Wat Kurt dat so wullt hett?
„Die Reise ist der Mai, der alles neu macht“, hett Thomas Mann seggt, un so fangt na düsse „Krüüzfohrt mit Kurt“ - de blangbi de heele Tiet mit an Boord is, för all en neen Stremel von jem ehr Leven an.
Dat seggt de Verlag:
Eine charmante Komödie voll herrlich unterschiedlicher Typen, wortwitzig und anekdotenreich, die so manche Überraschung bereithält und am Ende alle Figuren in ein neues Leben schickt.

Dat seggt de Kritikers:
(zur hochdeutschen Uraufführung am 21.4.2023) Die "kleine bühne Wolfenbüttel" feierte am Freitagabend die Premiere der Komödie "Kreuzfahrt mit Kurt" von Manfred Hinrichs unter der Regie von Karsten Brunke im ausverkauften Theatersaal des Schlosses Wolfenbüttel.
Aufgelegt wurde eine äußerst amüsante und clever gestrickte Komödie mit einem unerwarteten Ende einer "Kreuzfahrt mit Kurt".
Als Belohnung für eine reife Schauspielleistung gab es zum Schluss einen verdienten und langanhaltenden Applaus des Publikums, das von einem in allen Rollen glänzend aufgelegten Ensemble in diesem Stück voller gewollter Turbulenzen mitgenommen wurde.
Wolfenbütteler Schaufenster vom 24.4.2023

(zur plattdeutschen Erstaufführung am 10.2.2024) Die Stedorfer Theaterbühne befindet sich seit dieser Woche auf großer Fahrt.
Jeder und jede Einzelne im siebenköpfigen Ensemble präsentiert sich in Höchstform und bringt das Publikum mit plattdeutschem Wortwitz, mit Slapstick und vielen Aktionen unentwegt zum Lachen.  Die Spieler unterhalten das Publikum länger als zwei Stunden mit temperamentvollem Einsatz.
Immer wieder gibt es begeisterten Zwischenapplaus für die ausgefeilten Charaktere und beim Publikum kullern die Lachtränen.
Christel Niemann auf kreiszeitung.de


© spielstoff.de 1981 - 2024
Zurück zum Seiteninhalt