Landung bi Nevel - Neues Projekt 1

Willkommen!Moin!Willkamen!

Direkt zum Seiteninhalt

Landung bi Nevel

Landung bi Nevel
Gefährliche Landung
Komedie in veer Biller
von Horst Pillau
Plattdüütsch von Manfred Hinrichs Bettinger
De Lüüd
Jens Högel, Flugleiter
Dieter Eggebeck, Geschäftsmann
Maja Brosch, Boutiquenbesittersch
Lena Deeken, Weertsfro von de Kantien
Otto Flunkerbeck, Mechaniker
Uwe Henstedt, Buur
Silke Henstedt, sien Dochter
Paul Pflug, Urlauber

Fotos links: © Kollenrott, Ohnsorg-Theater, Hamburg 2001
De Bühn
Dat Stück speelt in 't Flugplatzrestaurant von den lütten Inselflugplatz von Wyk op Föhr. Links an de Siet, achter den Tresen, de Döör to de Köök. En poor Dischen un Stöhl in 'n Gaststuuv. In de Mitt von 'n Achtergrund de Ingangsdöör. An de Wannen Luftbiller, mehrstendeels von Föhr, Amrum, Sylt un dat Wattenmeer, op Wandregalen Flugzeugmodelle un an de Wand ok en splittert Holtpropeller von en Brooklandung.
Vörn rechts an de Siet, meist an de Ramp, de andüüdt „Tower“, en lütt, üm twee Stuffen hochsett Kabuff mit Dreihstohl un en Dischplaat, op de Funkapparaat, Mikrofon, Windwieser un Peiler un twee Telefonen staht. Bito Telefon- un Handböker. En Döör, de blots ut den Rahm besteiht, ahn Glas, in de Gaststuuv. De Flugleiter kickt, wenn he in dat Kabuff sitt op de Tokiekers, dor warrt de Start- un Landebahn annahmen.
Neeschierig worrn?
Dat Stück gifft dat bi: Ahn & Simrock Bühnen- und Musikverlag GmbH, Deichstraße 9, 20459 Hamburg
Anfragen köönt ji ok hier.
Üm wat dat geiht
Jens Högel is Flugleiter op den Flugplatz von Wyk op Föhr. Nich blots mit den dullkoppigen Buurn Henstedt, de mit sien lütte Privatmaschien den Luft-Rowdy von de Noordseeinsel speelt, mutt he sik in eensenweg ut'nannersetten, nee: Ok in sien Verhältnis mit Boutiquenbesittersch Maja Brosch liggt Scherereen in de Luft: Maja kann sik en stüttig, ruhig Leven mit Jens op Duur nich vörstellen. En Familie to grünnen, as Jens sik dat wünschen deit, lehnt se glattweg af. Ehr sweevt en Leven mit Reisen, Luxus un Aventüürn vör, dat se op Föhr nich finnen deit. Lena Deeken, de Bedrieversch von de Flugplatzkantien, hett för so 'n Ansinnen nich veel över. Se is heemlich in Jens verleevt, un wöör geern sien kommodig un sacht Leven mit em delen.
In düsse Situatschoon rin lannt Dieter, en olen Fründ von Jens, mit sien tweemotorig Maschien. Jümmer al weer he en "Winner". Un jümmer al hett he Jens de Froons utspannt. Wo schull dat dütmal anners kamen: Dieter wickelt de Damens von den Flugplatz, besünners Maja un Silke, de Dochter von Buur Henstedt un Flugschölersch von Jens, üm den lütten Finger. Maja verlett Jens för Dieter. Düsse Swutjee, de stännig allens riskeert, passt eenfach beter in ehr Levensplaan.
Jens will nix mehr hören un sehn. De Versöken to tröösten von Lena un Flugzeugmechaniker Otto helpt em keen beten wieder. Sien Fründschop mit Dieter is vör em vörbi. In sien Arger un Verdreet un sien Raasch wünscht he Dieter sogor den Doot. As Dieter nich veel later en riskanten Anflug in 'n Nevel waagt, liggt sien Leven in Jens sien Hannen...
Goot to weten
Damen3
Herren5
diverse-
Bühnenbild1
Uraufführung
28. Februar 2001
Ohnsorg-Theater, Hamburg
Erstaufführung dieser Fassung
28. Februar 2001
Ohnsorg-Theater, Hamburg
© spielstoff.de 1981 - 2024
Zurück zum Seiteninhalt