Jenny ehr Rezept
Jenny ehr Rezept
Jennys Rezept
Komedie in fief Biller
von Horst Pillau
Plattdüütsch von Manfred Hinrichs
De Lüüd
Friedrich Criwitz,
Geschäftsmann
Johanna, sien Fro
Jenny, sien Dochter
Luise Criwitz, Jennys
Grootmudder
Justus von Barckhausen,
en hogen Beamten
Ulrich Döhlmann,
Student
Alfred Korn, Drucker
Schnipphahn, en reisen
Hannelsmann för Pillen
Carla, Deenstdeern
Admiral von Lautersbach
Alle Fotos dieser Seite: © Kollenrott, Ohnsorg-Theater, Hamburg 2002
De Bühn
De Wahn-
un Eetstuuv von de Familie Criwitz, en Hamborger Iesenworenhannelsmann. Dat is in Stil un
Gesmack von so üm 1900 inricht. Dat Stück speelt 1909-1914.
Biedermeiermöbelmang, swoore Vörhangen, Lusterlamp, Öölbiller, meist Landschoppen, na börgerlich Gesmack.
Rechts an de Siet de
Eetdisch mit Stöhl för söß Lüüd. Ganz an de Siet, na vörn to, en andüüdt
Finster, dat op maakt warrn kann un vör dat wi de Straat annehmt. Links Bökerschapp
mit Glasdören un en lütten Teedisch mit twee Stöhl. In de Mitt von den
Achtergrund de Döör to de Deel. Links an de Siet de Döör to 'n Rook- oder
Herrenzimmer un wieder to de Köök, rechts de Döör to de Privatstuven.
In 't drüdde Bild,
rinstellt in de Hauptdekoration, Jennys schraag elennig Dackkamer mit schreeg
Wannen, eenfach inricht. Bett un Bökerregal. En Disch is wichtig. In 'n
Achtergrund Ingangsdöör to de Dacktrepp, links de Döör to Luises Kamer.
In 'n tweeten Deel, na
de Paus, hett sik de Wahnstuuv in en Praxis von en Dokter verwannelt. Statts
den Eetdisch Jennys Schrievdisch, dor vör en Stohl för de Patienten. In 'n
Achtergrund en spaansche Wand to 'n Ümtrecken, an de Wannen de begäng
medizinisch Schaubiller. Sporsam Inrichtung.
Neeschierig worrn?
Dat Stück gifft dat bi: Ahn & Simrock Bühnen- und Musikverlag GmbH, Deichstraße 9, 20459 Hamburg
Anfragen köönt ji ok hier.
Üm wat dat geiht
Anfang von dat letzt Johrhunnert: Düütschland is noch Kaiserriek
mit en streng Klassensellschop, in de Froonslüüd wiedgahns ahn Rechten sünd. De
jung Jenny Criwitz, Dochter ut en beter Huus, hett aver ehren egen Kopp. Gegen
den Willen von ehr Öllern un von ehr in de ole Tiet stahnbleven Unkel
von Barkhausen fangt se an op Dokter to studeern. Bavento will se sik ok noch ehren Brögam
sülvst utsöken. Dörhollen, Weten, wat 'n kann un will, Fliet un Humor - dat sünd
de Todaden för Jennys Rezept, mit dat se sik gegen all Wedderstännen dörsetten
deit un Hamborgs eerste Doktersch warrt. Doch mit den Doktertitel is Jenny noch
lang nich an 't Ziel. Bet ehr Praxis floreert, mutt se noch veele Vöroordelen
ut 'n Weg rümen. Ahn de Hölp von ehr resoluut Grootmudder Luise, de se mit Witz
un List bistahn deit, keem dat woll nich to 'n Happy End, bi dat ok de
Leev nich to kort kümmt.
Goot to weten | ||
| Damen | 4 | |
| Herren | 5 | |
| diverse | - | |
| Bühnenbild | 2 | |
| Uraufführung | 25. August 2002 Ohnsorg-Theater, Hamburg | |
| Erstaufführung dieser Fassung | 25. August 2002 Ohnsorg-Theater, Hamburg | |